முன்னாள் முதல்வர் அமரர் திரு பக்தவத்சலம் அவர்கள் நடிகர் திலகம் பாரதியாராக நடிக்க வேண்டும் என்ற தன் ஆவலை வெளிப்படுத்தியிருந்தார். இதனைப் பற்றி ஆனந்த விகடன் வார இதழ், தன்னுடைய 03.08.1958 தேதியிட்ட இதழில் பிரசுரித்த கருத்துப் படத்தைத் தான் மேலே காண்கிறீர்கள்.

நடிகர் திலகத்தின் அமெரிக்க விஜயம்

1961-62ல் அரசு விருந்தினராக அமெரிக்கா சென்ற நடிகர் திலகம், பல்வேறு கலைக்கூடங்களுக்கு விஜயம் செய்தார். அவற்றில் சிலவற்றை இப்பகுதியில் தொடர்ச்சியாகப் பார்க்கலாம்.

முதலாவதாக - உலகப் புகழ் பெற்ற, ரேடியோ சிட்டி மியூஸிக் ஹாலில் நடிகர் திலகம். அக்கூடத்தின் புரொஜக்டர் பகுதியின் அப்போதைய தலைவர் பென் ஒலவ்ஸ்கி அவர்கள், நடிகர் திலகத்திடம், நாடக மேடை நிகழ்ச்சிகளின் விசேட நுணுக்கங்களுக்கு சினிமாஸ்கோப் ப்ரொஜக்டரின் உபயோகம் பற்றி விளக்கிய காட்சியைத் தான் மேலே காண்கிறீர்கள். நன்றி சினிமா கதிர் நடிகர் திலகம் அமெரிக்க விஜய சிறப்பு மலர், 1962.